حالتي

اممممم مافيه في بالي موضوع لي زمان ما مسكت القلم بس صورت كم صوره وحطيتها بموقع التصوير وحابه تشوفونها وهذي وحده منهم رابط الموقع ضايفته بتاريخ سبتمبر
لا تحرمونا ارائكم

استبيان حصلته في مدونه (تركي الغامدي )واعجبني وحبيت اجاوب عليه

هل انت راض عن ماتدونه في مدونتك مع ذكر السبب؟

نعم الحمد لله ..لاني اعتبر مدونتي مخزن لعصارة ذهني ومسرح اطلق العنان به لمشاعري

هل انت راض عن مدونتك بشكل عام مع ذكر السبب؟

اممم لا

يبغى لها اهتمام اكثر من ناحيه التصميم واحاول اني اضع تشكيله متنوعه من المواضيع قدر الأمكان وحاابه ادخل عليها تقنيات افضل من ارفاق صوره او عرض مقطع ووووو حاليا مزعجني المقطع الموسيقى حطيته وابتلشت نسيت كيف احذفه >>حاله مستعصيه

هل انت مقتنع بالتعليقات التي تصلك على تدوينتك ؟

نعم مقتنعه بكل التعليقات داخل المدونه وافضل تعليقات اشخاص معينين اعتبرها دافع لي للبحث عن موضوع اخر اتناوله بتركيز اكثر

هل تمارس النقد في مفهومه الصحيح عندما تعلق على التدوينات الاخرين ؟

لا فقط اضع وجة نظري;

هل لديك الاستعداد لتقبل نقد الاخرين في مدونتك ؟

نعم ..اذا كان بعيدا عن حياتي الشخصيه .واذا كان الشخص ذي خبره في مجال التدوين هنا اعتبر هذا النقد بمثابة درس خاص لتعليمي

هل لديك الاستعداد لمراجعه مدونتك واتخاذ القرار الصحيح حتى لو ادى الى اغلاقها ؟

دائما اراجع مدونتي وأرى فيها اخطاء و احاول تفاديها مستقبلا >>بس الى اغلاقها امممم صعبه اشويه بس كل شي جائز

هل تتأثر بما يدونه غيرك وبالتالي مدوناتهم ؟

نعم اعجب بكثير من المدونات واحب اساليبهم واحاول جاهده التعلم منهم >>>>بعيدا عن لطش افكارهم

هل الشهره من بين اهداف انشاء مدونتك ؟

لا- الكثير من المقربين لي لا يعلمون بأن لي مدونه وكان انشاء مدونتي بعد اقتراح من اخوي بعد ذالك اردت معرفة هل اجيد الكتابه او لا والحمد لله وفقت كبدايه

هل تجد لما تدونه صوره طيبه عن مجتمعك ؟

انشاء الله ان اكون اضفت صوره جيده مع العلم ان مجتمعي لا يحتاج لمن يظهره لانه طيب بأصله وان كانت هناك سلبيات نسلط الضوءعليها

الى اي حد تجد تعليقات الاخرين مجامله ؟

القليل منها

هل كنت جاد اي تفيد وتستفيد في مدونتك ام لمجرد التدوين فقط ؟

نعم جاده واتمنى ان اصبح افضل فيما بعد

هل خرجت بفائده من هذا الاستفتاء ؟

نعم ..........انتهت الاسئله

*******حالتي *****

اكل >ايس كريم( بالتوت كي دي دي )

المسن&\متاح ومعي محااادثه لاجمل انسااانه ربي لا يحرمني منها ;حلا

اجمعتني الدنيا فيها وصارت لي الأخت اللى ما جابتها امي ( يارب لا تحرمني احباابي)

المزاج ;رايقه ومرووقه *_*

البيبي ;مشغول

11-2 ;موعد الاختبارات النهائيه

الجوال;جوال الجامعه صاامت مدى الحيااه

جوالي 2;مرتفع الى مالا نهايه عشان ماتقولون مفهيه وماتردين هع

اسمع ;اواه ياقلب ;حاولت انسخ المقطع بس الذااكره ضاربه فيووز نسيت كيف انزل مقطع تهىء تهىء

الرجاء من اي فاعل خير يكتب لي الطريقه لتحميل مقطع من اليوتيوب ووو حذف موسيقى الخليفه لاني نسيت كل شي

رسااااله مرسله ;ياقلب كل زولا تصافيه**الى تغلا بالوصل وش نبيبه

لا مرني بالدرب مقدر احاكيه **مصيبتي ياكبرها من مصيبه

اللي يبينا عيت النفس تبغيه **واللى نبيه عيا البخت لا يجيبه

كفايه

كفايه ارجوك كفايه تزيف وتسويف
اما آن الآوان لتظهر
اخلع قناع الحكمه الذي ترتديه
وانتزع رداء المثاليه لانه لا يليق بك
الى يومنا هذا لم استطيع ان اغفر لك انانيتك
ولن انسى جمود احساسك لم ترأف بي واخذت تزيد بطعناتك
ولم تحرك بك دموعي ولم يأثر بك انهياري
وكيف كنت اتوسل بك ان لا تبتعد
او ابتعد ولكن بعد ان يعتاد قلبي فراقك
هل ابعدتني لأنك حكيم ؟وتعرف مصلحتي
ام لانك مثالي ؟ولا تستطيع المضى بالخطأ عمدا
ابعدتني لأنك لئيم ؟
ولم تهتم يوما بما سأعاني
وكم من بقايا جروحك سوف أداوي
وكيف سوف اعيش والى اي مدى سوف اصل
كل ما في الامر رضخت لرغبتك واحتياجات كيانك وابعدتني عنك بلا رحمه
واسقطت روحي البريئه الى ان هوت بي من اعلى قمه
انتهت بانتهائي

عزيزتي البويه

عزيزتي البويه :بخصوص الأنتكاسه اللى سببتيها في وضع البشريه نفهم انك ولد مثلا
ليه اللعب في مسار الفطره البشريه ؟
وماهو الشي الذي استدعاك الى تغير انوثتك !!
التي وهبها الله لك الى رجوله مفرطه وهذه الرجوله في الواقع تطغى على رجوله رجل بذاته
ياترى ما السبب في ظهور طفره في تصرفاتك هل هو نقص ،اوتقليد اعمى او موضه وينتهى وقتها او ربما جربتي تكوني انثى فلم تثيري الجدل فقررتي ان تكوني اي شي اخر للفت النظر حول شخصك الكريم وهذه ادرجها من ظمن توقعاتي او هو ابتلاء من العزيز في تغير فطرتك وان يكن السبب فالاهميه تكمن في العلاج
لابد من العلاج اذا اعتبرناه مرض ومرض معدي ومتفشي ومو بعيد ان اقول مزمن ويمكن يستمر وراح يتمركز اكثر بالمجتمع بشكل اكبر اذا ما وضع حد لذالك .
اخي او اختي احترت كيف اخاطبك ((ايتها الكائنه )) اذا ابتليتم فستتيروا امر بالاستتار ليس الاستهتار والتفاخر في ماهو نقيض للفطره
طرق العلاج على نهج البرفسوره في التعوق الفكري اطال الله عمرها وابقاها عمر مديد اللى هي انا <<ياشينك اولا ،وثانيا،وثالثا >>>العلاج وهو كف =اسطار =محمودي =واقوى الانواع الملطام <<مسرووقه هذه اللفظه يلف وجه المدعوه مره حول نفسه ومره حول الارض لتستعيد ماتبقى من عقلها وتتوب الى الله توبه نصوح اما العلاج بالطرق الطبيه انه هو حاله نتيجه ارتفاع الهرمونات الذكوريه ..عفانا الله واياكم .والعلاج فيها يكون على مراحل وجلسات مع طبيب مختص .قال رسول الله صلى الله عليه وسلم (لعن الله المتشبهين من الرجال بالنساء والمتشبهات من النساء بالرجال )في هذا التصرف طرد من رحمه الله من عظم خطورته على سبيل المثال اذكر لكم موقف لااحسد عليه الا وهو اني كنت جالسه مع صاحباتي ومع بنت عميمه وكانت في بنوته تقرب لوحده من الشله وبينما نحن نتبادل الحديث<<من حش وتقطيع الا واذ بالفتاه الملقبه بمهند الجامعه جات تكلم البنوته اللى جالسه معنا وترد عليها بصيغه ولد على النحو التالي ->اشتر لي ،تعال ،شوفهم ،رد على جوالك لوووول
فهيت ساعه نتيجه ضرب والتماس في فيوزات مخي بشكل مفاجىءولا رجعت لوضعي الطبيعي الا على صوت بنت عمتي تقولي طسي لمحاضرتك وخلي عنك الفهاوه وفعلا قمت وانا منشله التفكير ومصدومه وطوال ما انا امشي متجهه للمدرج اهوجس وش يحسون فيه!!
كيف البنت تميل الى مثيلاتها ..طيب بلاش ياترى ايش حكم من يخضع الى اجراء عمليه تحويل جنس ؟!والعياذ بالله ولا كيف استطاع على اتخاذ قرار مثل هذا؟؟؟

هل هو قله الوازع الديني او هو ابتعاد عن مجالس الاسره ونقص في دروس التربيه الصحيحه
يالله هل هو تخلف او هو التطور المزعوم بأسم الحريه الشخصيه .انتهى
اللهم اسألك العفو والعافيه وسأل الله ان يبعد عن امه محمد كل شر

تعبت واتعبتني

تعبت ياقلب واتعبتني وياك

واتعبني احساسك الجامح وطيشك

ليه انت متضايق ؟!

وتلوم الوقت اللى بلياه عدا بك

وش اللى على هذا الطريق جابك

يمكن ذا عذابك ؟

ويمكن هذا بلاك يوم القدر ابتلى بك

طريق بيدك اخترته

احصد اليوم من فرقا خلك حصادك

آه تعبت اكذب واقول بنساك

والوكاد ان روحي تفز لا لمحت سرابك

واسعد بشوفك وانسى جفا قلبك وخطاياك

لامرني طيفك اقول ياهلا بدنيتي ويا هلا بك

تعبت بجد ياقلب واتعبتني وياك

ليه انت متضايق ؟!

خلك طلب قربك وانت في وصلك تمنعت ياشين سواتك

مارضيت بشقاك واثر حتى الشقى ما رضى بك

وجاي اليوم تلوم الوقت اللى بلياه عدا بك

بالله وش اللى على هذا الطريق جابك ؟؟

http://www.flickr.com/photos/emr2ah_lkl_alf9ool/

http://www.flickr.com/photos/emr2ah_lkl_alf9ool/

ياربي شافيهم

ربي اسألك يامن لايقدر على كل شيء سواك ياشافي يامعافي اشفي لنا الشاب عبد العزيز

والطفل عبد الله صالح شفاء عاجل غير اجل شفاء لايغادر سقما يارب البسهم ثوب الصحه والعافيه

ربي انك قلت وقولك الحق ادعوني استجب لكم اسالك ان تربط على قلوب اهلهم وان تلهمهم الصبر

والسلوان وان تجزهم وتكون لهم خيير معيين وان تفرح قلوبهم بشفاء عاجل لعبد العزيز وعبد الله

يارب ارزقهم من واسع رحمتك التي وسعت كل شي يارب ارفع عنهم البلاء اسألك بحق شهرك الفضيل

اخر نظره

كل الموضوع وحشتني سواليفك
وحشني وجودك وضحكك وعقلك المجنون

وحنانك وجدك ولعبك وكلمتك كل شي لاجل دمع عينك يهون

بالله بسالك ماوحشتك ؟

ماحنيت ؟ما اشتقت ؟ماجنيت ؟

مافقدت مزحي وضحكي واشاعر بها تغنيت؟

ولا غيري احتل دنيتك وسلا وحدتك

ولااا بسألك ليه ما عدت اشوفك؟

وليه لاجيت كان حضورك ..هو سكوتك!

يالله كأأني ماعرفك !

وهاك النظره ابعدها

ايه ابعدها تخوفني نظرتك

وتزيد فيني من انكسارات الامل وجيوش الخوف وتغاريب الحزن والألم

كانك بنظرتك تقول وش تبين ؟؟؟

أرد انا بنفس نظرتك وش ابي ؟!

ما ابي الا سلامتك!!

قرقيعان

فعاليه تراثيه يحتفل بها الاطفال في منتصف شهر رمضان لمدة ثلاث ليال ويرددون فيها الاهازيج وتوزع الحلوه عليهم

هذا بأختصار ما يتضمنه معنى القرقيعان

اما الأختلاف عن ما اذا كانت تلك الاحتفاليه محرمه ؟بدعه؟او هي عاده مكتسبه تم اتباعها لمجرد التقليد؟ام هو موعد لفرحه الاطفال

واجتماع الاقارب ؟

تعالو انا وياكم بناخذ هذه الأختلافات (حبه حبه)

بنسبه للي يقول انها عاده تبعناها من الدول المجاوره اقول له ليت التقليد توقف على عاده جميله يفرحون فيها الاطفال ويلتم فيها الشمل

اما بالنسبه للى يستهبل ويقول انها عاده فارسيه اقوله اجدودنا من قعر نجد ومن يومنا في بطون امهاتنا نسمعهم يقلون

قرقيعان وقرقيعان بين قصير ورمضان

السوال اللى يمردغ نفسه !!

ليه جاء حكم التحريم فيه ؟

لأنها احتفاليه تم تحريف وقتها وغايتها

وقتها كان يقام في شهر شعبان وهذا حسب الاهازيج التي يرددونها

قرقيعان وقرقيعان بين قصير ورمضان

يعني عباره بين قصير ورمضان مقصود بها الفتره مابين شعبان ورمضان

لكن للأسف تم التحريف في موعد اقامتها واصبح يحتفل فيها في رمضان

هنا جاء التحريم من قبل اللجنه الدائمه للبحوث العلميه للافتاء جاءت فتوى هيئه كبار العلماء على تحريمه وانه بدعه لانه ينافي

مع ما يراد به من الشهر الفضيل من صوم وعباده

وجاء ايضا تحريم المبالغه في غايتها التي اخرجتنا من المقصد الحقيقي من اقاامت تلك الاحتفاليه البسيطه وهي فرحه طفل

الى احتفاليه لتفاخر وللبذخ والتكلف في تزين واعداد لما وصل عليه حالنا بأقامه حفله مجهزه بعده وعتاد

الذي يختلف عن مظهره سابقا الذي كان ابطاله الاطفال وهم يجبون بين المنازل ومهم اكياس قد فصلت مع الأثواب خصوصا لهذه المناسبه ومع الاهازيج التي يرددونها ببراءه طفوليه.

المسميات لكل دوله ؟

السعووديه قرقيعان او الناصفه

كويت قرقيعان

قطر قرنقعوه

عمان القرنقشوه

البحرين قرقاعون

عاده حلوه وربي ارزقنا ولا تحرمنا فرحه اطفال وجه نظري التحريم تضمن الوقت

والحمد لله الوقت عمرنا ما ضبطنا فيه <<<عايله مفهيه

وحبيت اختمها لكم بصوتي الشاادي

قرقيعان وقرقيعان بين قصير ورميضان

عادت عليكم صيام كل سنه وكل عام

قرقيعان بيتكم الله يخلي وليدكم

وقرقيعان بسكتكم الله يخلي بنيتكم .

يارب يعوده علينا وعليكم بصحه والعافيه
انتهى

تذكر مرساك

كنت انا لك مرسي المواجع
كنت انت في حياتي اروع من الرائع
كنت انا دايم عنك ادافع
كنت احسبك لي راجع
اكثرت بي الاوجاع
مع اني كنت انا لك مرسى المواجع

نبضات قلب

الحب ماهي حروف وتحتااج النقط توضح معانيهاا

هي دقاات قلب تزايد نبضها بوجود مغليها

هل هلالك

بمناسبه قرب شهر رمضان المبارك اعاده الله علينا وعلى الجميع بالخير والبركه

وابلغني واياكم هذا الشهر الكريم وانا وانتم بأتم الصحه والعافيه

وليتقبل الله منى ومنكم صالح الأعمال اللهم امين

.... حال رمضانياتي السابقه

اصحى من على 8 للمدرسه .. وقت الظهر نصلي بوقتها لانها بالمدرسه ...نهاية الدوام يصادفنا اذان العصر وحنا بطريق للبيت

اصليها واحط راااسي ونام واصحى مره ثانيه يعني قبل اذان المغرب بدقاايق ..وتسدح وتبطح ألين ما يأذن المغرب واطب على السفره وهاتك ياسرف بذا الفيمتو ثم نصلي صلاه المغرب ونقابل المأخوذ الاخ *تلفزيون ونستمتع بمشاهده حلة المسلسلات اللى من كثرها ماتدري وش تلحق عليه بعدها يجي اذان العشاء اصليها وان كان فيه دروس ولي خلق احضرها وبهذا الوقت الناس تراويح.. وما اخفي عليكم في بدايه اول اسبوع نشد الهمه ونروح بس بعدين يصيبنا الكسل ويفوت علينا حلاوة الايام هذي .

هذه نبذه عن يومياتي برمضان السابق واعتقد انه حال الاغلبيه اسأل الله الهدايه واياكم

وانا جالسه اناظر التلفزيون ولقيت استعداد كبير وهائل لتحضير المسلسلات والبرامج والاعلانات المغريه لمتابعينها

قلت في نفسي .لا لا .انا رمضاني هذه السنه غير ودعيت ان يارب تغفر لي ولأمة محمد اجمعين وتثبتنا على طاعتك بشهرك الكريم

وبما ان هذي السنه عطله وراحه موب زي كل سنه دراسه وتعب خلينا نزيد الهمه ونترك الخرابيط .ربح سياره .المسلسل الفلاني قويه قصته.وياشين حليمه ومسلسلاتها((من الحره

لكن نرجع ونقول النفس اماره بالسوء وتباعه للشهوات بس خذوها منى ولا تخافون المسلسلات بتنعاد بعد رمضاان مليون مره

فهل فكرتم ان تجعلوا رمضانكم هذا مختلف ؟؟

وان تكون انتي او انت من خاتمي القران فيه

وصائميه ايمانا واحتسابا فلا ينفع الامساك عن الطعام والشراب مع اطلاق الجوارح في الاثام

فقال الرسول (صلى الله عليه وسلم )..ليس الصيام عند الاكل والشرب انما الصيام من اللغو والرفث..

فاحذروا يأحبتي حتى لا نكون من الذين قيل فيهم قال تعالى (وقدمنا الى ما عملوا من عمل فجعلناه هباء منثورا )الفرقان (23)

وفي الختام اسأل الله ان يتقبل اعمالنا ويأجرنا وان يغفر لي واياكم وجميع المسلمين

وصلى الله على سيدنا محمد وعلى اله وصحبه اجمعين .انتهى

موقع تصويري

http://www.flickr.com/photos/emr2ah_lkl_alf9ool/
السلام عليكم ورحمه الله وبركاته
ومن بعد السلاام احيكم زوار مدونتي الغوالي
لكم البشاره من بعد توفيق من الله ثم مسااعده
اختي وعزيزتي وصديقتي الصقووقه نونا
تم افتتاح بروفايلي للتصوير
واتمنى مسااعدتكم واعطائي أرائكم اذا عندكم الخبره في هذا المجال
وبشويش علي ومن دون تجريح((((
وشكرا لكم لأنكم متحمليني هع

فضفضه

اسمع =>اه ياقو قلبك ((تلقون الاغنيه بصفحه الاغاني
اكل =>ولا شي مالي نفس
اشرب=>ولا شي( مو كل عطش يرويه ماء )
الجو=>بارد من التكيف
المزاج كسل +ضيقه صدر
المسن =>ظهور دون اتصال
البيبي=>مشغول
الجوال =>صامت
تليفون =<ما ادري وش اخباره
تلفزيون =>معطيته ظهري
اليوم =>الاربعاء يوم من ايام الصيف الملل
من صحيت من النوم وانا متضاايقه وافكار الدينا كلها براسي حاولت انى ما افكر في يزيد ضيقتي قلت خليني ادور على حل يبعدني عن زحمه الافكار اللى تدور براسي اي حاجه تبعد عني الملل والروتين وقتها قعدت احاسب نفسي ..ليه انتي تملين من كل شي بسرعه الى متى راح تبقين كذا كنت بالجامعه صحيح جات علي ضروف وخلتني اتركها بس كان بامكاني اضغط على نفسي واكملها بس قلت ما اقدر تعبت
ونفسيتي ما عادت تتحمل هم الامتحاناات فحطت لين طلعت وماكملت اسبوع الا وتمللت وزهقت من الفراغ وماخليت شي ماسويته كتابه وكتبت وتصوير وصورت وسفر وسافرت ومليت من كل يوم الثاني رايحين نتسوق واشتريكل شي بحاجه ودون حاجه ..نومي ماله وقت محدد انام على راحتي واكل واسهر لحالي كاني بسم الله <<جنيه ماغير منتصه بغرفتي او بالصاله اولكم على الطالع والداخل تقلون توظفت بواب
**وبعد ما خلصت جلسه المحاسبه النفسيه قلت خليني افتح سجلي واشوف وش صار علشان ارجع اسجل جدولي فتحته وطلع اسمي
يعني خلاص اول اسبوع من الدراسه انزل المواد وابدا من جديد واسال الله يثبتني بعقلي الضارب وما ارجع على طير يالي
ورجعت لمحور حديثي مره ثانيه ادور على شي يسليني فتحت Googleادور لي مواضيع يمكن يساعدني اتخلص من الضيقه اللى كاتمه صدري وبصراحه كل المواضيع كانت مره حلوه ومفيده بس ماقدرت اكمل فقره وحده في قراءتها او بالأصح اقرأمن دون استيعاب خليت
Googleوفتحت YouTubeلان انا احب كل ما ضاق صدري اجي لهذا الموقع واقلب صفحاته واتسمع لي كم قصيده لشعراء احب قصيدهم
واخترت (محمد بن فطيس )صحيح ان قصيده يزود الحزن حزنين لكن كلماته تشعل النار وتطفيها بسرعه او يمكن لان قصايده تذكرني بما مضى ولم تمضي ذكراه..القصيده كانت
خبرتو حد(ن)يبكي على واحدن يبكيه ***وخبرتو واحد(ن)مسجون ما يبغى افراجه
احبه ولا مغضته على شي يسويه ***ولا زالت ارقاب الرجى فيه منعاده
عسى منزل ضمه حقوق الوسم تسقيه ***وتضحك له الدنيا وهو يضحك حجاجه
فقد خاطري شي من الضيقه مسليه*** وغدت روحي من الناس والليل وهجاجه
اروح لمكان خابره خابره ياتيه ***اسوق القدم سوق وهي مالها حاجه
مكان نزيه واول مواجهي له فيه*** لعل ماحدني للمجي يدعيه
اشوفه وانا ماودي اسبب له احراجه** يحب الجريح اخر دروب اللقى ويجيه
وتحب القدم جيت مكان اول مواجه** وتحب القدم جيت مكان اول مواجه
صح اللسانك ياابن افطييس وقتها توني مخلصه القصيده و صل لي برود كاست من صديقتي المشكله لا صرت انت بازمه يجيك (برود)
عن الحب والمحبه تحس انه يجيب لك حساسيه مزمنه قلت خلينا نشوف الكذبه الجديده وكان البرود كاست **
الحب كلمه لها حرفان (ح.ب)فالحاء يفتح الفم ويبقي مفتوح فارغا حتى ياتي الباء يضم ويطبق الشفاه اذا هناك اجتماع بعد فراق ووصل بعد هجر ((((مدري وش تبي اللى مرسلته
وقتها قلت ليتني ماقريت هذا الشي سبب لي كئابه زود اللى انا فيها
ثانيا: مو قالو ان الحب ماله حروف؟!وان هو اللغه الوحيده اللى مالها عبارات ولا قواعد اشوف طلع (ح.ب)
...بعدها قررت اقرأ كتاب اخترت كتاب (انتهت اللعبه )للكاتب تركي بن فائز الحقباني وللأسف ماقدرت اكمل منه الا كم صفحه
حاولت اتجااهل الافكار وزحمه الاشياء اللى تدور في بالي لان اليوم طوويل وملل **قمت تمددت على الكنب وغمضت عيني واخذت اردد لي دعااء واذكار الصباح والمساء .
همسه=>احساسي موكل البشر يفهمونه والله يسامح الجميع
لك =>انت مع الدنيا اثنين ضد واحد وانا كسير الحال الله يصبرني
القاها انا منين من قلبك الجاحد ولا من الايام اللى تعاندني
انتهيت من الهذره ويومي ما انتهى

عقلك براسك

كنت اتناقش انا ومحدثي عن ما اذا احببت فعل شي متكرر او عاده اعتدت عليها اوشي من تصرفاتي لا استطيع تغيره او اسلوبي بالتعبير عن ما بداخلي فأنا دائما ما اكون في صراع مستمر بين ما احبه واهواه اختاره لنفسي وبين ما يحبونه ويختارونه لي هنا قال لي: محدثي عقلك براسك اذا وجدتي ما احببتي فعله لييس فيه ضرر عليكي فاستمري مع اخذ الحيطه اما اذا وجدتي انك لا تستطيعين منع نفسك من مضار ماتغوضين به فمن الافضل ان تبتعدي وان تعيدي تغير نمط حياتك بما تفعلين جلست اتفكر بما دار بيني وبينه من حديث!! بما انه اكبر منى سننا وليس من جنسي فربما يكون كلامه منطقي لانه قد عاش ما لم اعشه انا فتاه 20 ولم ارى ماقد رأه هو اوقف تفكيري ماكانت تسول به نفسي **لا انه يبالغ برده فعله فكل مافي الامر انتي احببتي فعل شي معين واعتدتي على فعل شي ما وهذ ه هي اسرار شخصيتك وهناك امرا اخر الا وهو مامن شي يوجد الا وقد كان به الضار والنافع لا يوجد شي كامل الضرر او كامل المنفعه وما ان انتهى حديث نفسي الا وان صوت بداخلي يصرخ قائلا :وما فائدته هو ان يبعدك عن شي احببتيه الا من هول ما قدر رأى وسمع من احداث يشيب لها راس شاب في مقتبل العمر او انه بحق يخاف عليك او لمجرد فعل الخير دلك عن طريق الابتعاد هنا تفكر عقلي براسي واستنتج حجم النصيحه اذا كثرت مضار شي واصبحت تغطى على منافعه واصبحت كفه الميزان مائله واستبين الضرر ووضح وضوح الشمس فالابتعاد افضل وسيله وان هوت انفسنا شي ماا وانا وجدت ان ارضاء نفسي غايه لا تدرك ****انتهى

في زمن الغرائب

في زمن الغرائب والعجائب اصبحت تلك الغرائب امرا واقعا واصبح كل شي من ضرب الخيال والجنون منطقيا ومقبول

************

ام لا تتحدث مع ابنتها !وتحريض الام من قبل بناتها الأخريات..ابن لم يزور امه لانه مشغوول!!(عقوق)

طالب خريج جامعه بأعلى الدرجات استبدل بطالب الحائز على أعلى الواسطات (يتيم الواسطه)

عشرات الالاف من المبتعثين يدرسون سنوات عده ليعودوا الى ارض وطنهم وهم يحملون شهادات غير معرف بها (ضياع )

اصبحنا نطالب بحقوق الحيوان متغاضين عن حقوق الانسان المهدد بالاننقراض (جمعيه حقوق)

زمن تشابه فيه ملامح الحامي من الحرامي واصبح يطلق على( حااميها حراميها )

يتحدث عن مليارات وعن ألالاف الملايين عن اخر مشروع له وكم من الارباح حقق ويختم حديثه عن اخر دوله قام بزيارتها بينما

هو يتحدث عن كيف يعيش بكرامه ويعيش اطفاله وان يدفع تكاليف احتياجاتهم وان يعيد سداد القروض ويتحدث عن اخر جمعيه خيريه طرق ابوابها

شباب استغلوا طاقاتهم في السرقه والجرائم والسلب للحصول على مال منهوب ولقمه عيش وان كان محرمه شرعا (ثمن بطاله )

اسبعد رجل عصامي عن منصبه واستولى اخر بدل منه على الكرسي لانه ليس من ذوى( الكفاءه=ليس حرامي )

فتاه ارتدت الحجاب دون قناعه ذاتيه في الصيف ألتقطت اجمل الصور التذكاريه في لندن ساافره !؟(الدين حسب الرغبه)

اب يمارس العنف ضد ابنته ليرضي شحرورته الجديده او ليشفى غليله من طليقته ام دميته المعذبه (مرض الانتقام)

مواطن يحلم في منزل يأويه من رحلات الأيجار المرهقه ولكن ما ان يتحقق الحلم بعد 20 سنه الا ان كان قد فارق الحياه

وسكن متر في ثلاثه (دار بلا ايجار )

اخوان من اب وام وااحده يفرقهم اموال مكسده في البنوك ,بيوت من حجر ,قطع اراضي ,شركات (لعنه الثروه )

يرفضون المتقدم لخطبه ابنتهم بحجه النسب والدين وما ان يتقدم عريس له رصيد وقدره الا كان المال مقياس الحال (عريس لقطه)

شاب مسلم مبتعث يهدر دمه في اثناء غربته والتحقيقات مازالت جاريه من سنه ألفين وخشبه ويختلف الحال ان شتم اجنبي في ارضنا وقبل ان تكتمل الشتيمه كان مصير قائلها خلف الشمس(مسخره )

ذل ومهانه لأسرنا ديننا لا قيمه له عندنا لانه يهان أمام اعينا ونحن نلتزم الصمت ونهدد بالمقاطعه اطفال امتي تقتل قبل ان تلقح بويضاتها ومازلنا نحن العرب نردد كنا اقوى امه بالتاريخ(كارثه)

يتبع >>>>مادامت الغرائب والعجائب مستمره ومدام البشر على ظهر هذه البسيطه انتهى

نجحناا

ملاحظه

(حبايبي لا تشغلون المقطع الا بعد ماتنتهي موسيقى الخلفيه )<<عشان مايصير ازعاج

بعد انتهاء الفلم المرعب (الاختبارات) الحائز على جائزه نوبل لتعذيب الطلاب
بطوله عدد كبير من الاساتذه والدكاتره
الذي عرض على قناه وزاره المعارف
صقوقااتي ابارك لكم واقولكم ألف مليون تيرليون مبروك للناجحين وعقبال التخرج واعلى الشهادات والله يوفق الجميع
اقدم لكم اعتذاري لاني على قولتكم قاطعه بس ورب البيت انكم على بالي دوم الدومات
يا اصحابي لكم صاحبه مانستكم
تذكر ملامح ضحكتكم وتذكر سوالف مجنونه اجمعتكم
ولا عجب في دنيا الياا بالوقت فرقتني وفرقتكم
اللى احب اوصله صحيح اني ابتعدت فترات لان ما ابي ازعجكم خصوصا جدولي صار يختلف عنكم
((ذكريات ))يارب ماتكونوا نسيتوها
نوارا /ميرو /ام العز
*الحصه الساابعه
يوم جيتكم انا ونونا ولقينااكم جالسين بالفصل عااقلين الله يرجكم تحترون (ابلة ) الفيزياء تعطيكم درس هههه <<يسوون فيها شطاره وجيت انا ونونيتي وفرينا مخكم على البر والتقوى ونحشنااكم لكن عليكم حظ فقر يومها صادتنا الوكيله وتطيح فيكم زف <<يوماااا بطني يوم تقولكم اشكالكم مو غريبه على انتم دايم تتصكعون بالاسياب والمشكله انها مضيعه ومسوويه منتبها لاحوال الرعيه وهي من جنبها لانها اول مره في حياتكم تطلعون او يمكن خانها النظر وحولت عليكم <<ونااسه اشكالكم

*****

*نونا حصه الانقلش

انواع الضحك المعروف عن هذه الفتاه لا تفقه شي بالانقليزي <<عدال ياللى تفقه المهم انه كان علينا امتحان وصل دور السوأل عندنا واللى هوكاتالي>>ماذا تفعلون بنهار رمضان ؟؟؟
وقتها فهمنا السوأل بس الازمه مانعرف نجاوب واتت نونا المصونه وجااوبت noeating**نو شربنق<<يومااا خدودي وعاد الابله الله يصلحها تحسب اننا نستهبل ماتدري بانه بطلع الروح طلع معنا الجواب وبدل ماتزيد درجه نقصتنا

*****

*لولي حفل التخرج

تذكرين حفل التخرج اللى فحط قطو في المسيره خخخخ كان اطلق حفل تخرج حفل ولا اروع واشكاال البنات وهم يتناثرون خايفين منه ومن كثر الخوف اخربت التساريح والكحل اللى بعيونهم وصل اللين ركبهم ههههه

*****

نعومتي يالبى قليبك يابنت (وشو قاعدين تسون )كنت مدري ليه من اشوف خشتك احب اقولها لك وانتي ماتواطنين هذي الجمله وشكثر كنت احب اطلع من فصلي واطل عليكم من الدور الثالث واجلس اناضر سيبكم كود اشوفك ونقعد نهذر وتجي الابله وتدخل وحنا ياامهذرين لكم الله

*****

*بيدور=روتانا زمان

الله على ايام زمان نشد الرحال ونسافر على ظهر النااقه ونطلع للبر =الساحه الخارجيه للمدرسه يوم كنتي تغنين لي

**فلي الشعر فليه يابنيه*خليه يتطاير بالهواء اشويه اشويه

مير طحنا فيه تقرض لين تطاير من جذوره خخخخخ

*السري (بعد جبدي انتي)

(يعلج الريل )<<دعوتك اللى تجيب الهم الا انتي من كويت وسياارتك range rover خخخخ يااشين فصلات الفجر ما اقول الا عرفت ليه ماتنامين وتحبين تسهرين عشاان احلام اليقضه هذي ماتتحول الا اضغاث احلام ما اقول الا حبي لك ولطيبه قلبك شفت قلب ابيض بس مثل قلبك ماشفت

بالنهايه اقووول مبروك للناجحين وهااردلك للي ما نجحووا وشدو حيلكم والله يوفق الجميع

انتهى

منيتي

هناك خلف جدران منزل يسير سكانه على انظمه وقواعد وعادات من صنع البشر كانت فتاه تخاطب ابيها قائله :

البنت**

ابيه ياهلي والروح تفداه

وتفدى زول اقبل في محياه

ابي من يكبرسني واعيش في حناياه

هذاك اليا نادى بروحي لبيت نداه

كريم سقاني حب من يساره مالا تعلمه يمناه

مابقى معي منه الا صوره وحنانه وذكراه

مجبوره قلت ابعد وامسيت اجر الصوت من حر فرقاه

ما ابي من هو على دربي ويسوي فيني سوياه

شخص اخترتوه يعوفه الخاطر ويتشناه

الاب**

اقصري حديثك ياصغيره السن انتي مسؤلت(ن) مني

شخصا هوتيه ماهو مقدر عشرتك وياه

وانا ماني من اللى يزرع ثمر وغيري به متهني

ابي لك من يصون قلبك ويرعاه

ولد عمك من لحمي ودمي

يشريك بالغالي وبالغلا شريناه

البنت**

صبركم ياأهلى في شي من وسط جوفي منسرق مني

تحصلونه عند اللى سكن بالي والأحاسيس تنخاه

ودام مالي حكم على دنيتي غير التمني
منيتي للي سرق قلبي ياعساه يهتني به ويتهناه

رسائلي اليه

كم قاومت ان لا اكتب ان لا احمل القلم في راحت يدي لاني اعلم حينما يسيل حبر قلمي ليكتبك

كم ابتعدت عن تلك الصفحات لاني عرفت مسبقا انك ستكون بين طيات تلك السطور

وكم تجنبت الجلوس وحدي وجدتك تغزوني وتجتاح كياني وانا بين ملايين الحشود

علمت انك لست لي ولن اكون لك ابدا رغم ذالك استودعت أملا في قلبي الطائش الذي لم يسبق ان ذاق لذه الغرام

حاولت جاهده ان انسى كلماتك وضحكاتك وان امحي صورتك التى طبعت في مخيلتي بقيت لتعيشني الجحيم وتذقني مراره

فيا امير قلبي لكن بلا هويه اتسمح ان اكون لك بالجنه حوريه

على الرغم من الألم وحرقه القلب ابقى صابره لأني اعلم علم اليقين بأن الله اذا حرمني من شي في الدنيا ليعظني اياه بالاخره

فيا عالم ما تخفيه الصدور عظني ما استودعتك يالله

لاتطري الفرقا

قلت لك لا تطري الفرقا دنياي دونك ولا شيٌ

كنت ابيك جنبي ونور دنيتي والضىٌ

وابيك تقرب لنفاسي وانا لأنفاسك اقرب شوىٌ

اخترت انت الفرقا وقلت انها احسن لك ولىٌ

وان جروحك نارها توقد وبين اثرها على صدرك كىٌ

وانا ورب البيت جروح فرقاك اشربها شربة المىٌ

شوف حال قلبي في بعدك كيف هو منشوي شىٌ

دايم اسأل النفس ليه احبك وليه حبك اقوى من كل شىء؟

ليه اسكنت قلبي وبشرايني ضللتك بفىٌ

صحيح مامت في بعادك لكن الهم طاويني طىٌ

كنت اجاري بالخطأ غرامك واكابر بقوله بعدك ماهزني بشىء

وانا اللى دايم سارح البال ولا ادري وش جرى لي

وكيف نحل حالي والروح صابها العىٌ

وناس من حولي تسأل ليه ساكت ولانسيت كيف تحكي

وانا والله لولا الملامه لا امسك صورتك بدموعي ابكي

شوف ياولفي الدنيا بوسع ارضها وسماها يوم اقفيت ضاقت بىٌ

تدري وش يذبحني يوم ألمح طيفك اني اقول الحمد لله دامه حىٌ

وأنا ودي اجري اضمك لصدري واحضنك بيدىٌ

انتهت

ام الدنيا

السلام عليكم ورحمه الله وبركاته

اشحالكم ياعسى احوالكم كلها بخير ادري ان الدمام انطفت انوارها بغيابي <<<يا الثقه

يعلم الله انكم وحشتوني واشتقت لهواء الدمام العليل هع

المهم حبيت انقل لكم انطباعي عن 10 ايام في مصر الرحله ولله الحمد بمجملها حلوه وممتعه وانبسطنا فيها

واكثر شي عجبني فيها الأهرامات ,وجلسات القهاوي في الحسين ,والسينما فلم المبدع احمد حلمي داام ابدااعك حلوومه

وجبت معي كم صوره ان شاء الله تجيز لكم

اللى حبيت اقووله ان ام الدنيا حلوه بساطتها على الرغم انها تعتبر دوله غنيه بالموارد الى اني شفت معاناه لم يصورها فلم

وواقع لم يروي احداثه مسلسل ابو مليون حلقه وسيناريوا لايعرف حتى كاتبه التعايش معه حاله مزريه من الفقر والعجز

بيوت استحاله ان يعيش بها بشر ,اعمال شاقه لا يستطيع رجل ان يقوم بها فما بالك ان يقوم الطفل بذالك,ام تفترش الطريق ومعها طفل له من العمر اسابيع تقوم بشوي الذره وبيعها لسد حاجتها ام لسد حاجه طفلها الرضيع.التسوول في كل مكان

اصابتني حاله استنفار كنت احسب مايعرض بالأفلام تهويل وتمثيل وجدت ان الواقع جحيم مايمثله اكبر فنان ولا يستطيع تصويره ابرع مخرج بالختام (اللهم يارب السموات والارض يا رحمن يارحيم اللهم يارزق العباد ارزق عبادك المسلمين اللهم اعز بالاسلام المسلمين )

انتهى

وداعا

توصي شي انا بكره مسافر ضيوف مدونتي واحبائي في الله تعالى تحيه طيبه من عند الله مباركه وبعد:

سأبتعد عن مدونتي اسبوعين والعلم عند الله بموعد الرجوع الصيف قرب والسفر حان طاريه ارجو رجاء

منكم انكم تسامحوني ان لاسمح الله اخطأت في حق احد منكم وتدعون لي وتذكروني بالخير والأن

استودعكم الله الذي لا تضيع ودائعه الى لقاء قريب بأذن الله

لكم مني اجمل التحايا محبتكم في الله سارا

حواء

قلت له يحق لك ولا يحق لي

يحق لك ان تخطى مرات عده الى ان تصل وقتها يقلوا ثابر الى ان وصل الا القمه

بالمقابل لا يحق لي ان أخطى لأن ذنبي عند أذن لا يغتفر

يحق لك ان تبوح عن مشاعرك اتجاه من احببت وتعترف له عن هواك فتكون وقتها الشجاع الذي خاض معركه بوح المشاعر

بينما انا لا يحق لي حتى ولو نظره بالخفاء في عين من احب وان فعلت فأصبحت جريئه او قد ضاع مني الحياء

انا حواء وحكايه التفاحة

انا دليله التي طردت شمشون من ملكه وباعته لأعدائه بأرخص ثمن

انا كليو باترا التى اخرجت انطونيو من جنه امجاده واحالته الى ملك مخلوع يجتز مراره الانحدار

انا التعاسه بعد انتهاء من الفرح العارم

انا الندامه انا النار وأن كان ثأنيثها مجازى

انا الكراهيه بعد موت الحب

انا العدوانيه بعد التسامح

انا الفتنه في الصمت وفي حضرت الكلام

قاطعني قائلا :لا فرق بيننا وراح يروي لي حكايه المذكر والمؤنث وبدأه حواره معي

قال:اتعلمين ان الاناث هم سر جمال هذا الكون

قال: اجيبيني من حيث التأنيث والذكير ( الحزن-الجحيم-المرض-الموت-التعب )جميعها قلت :مذكر

اما (السعاده-الجنه-الصحه-الحياه-الراحه-)جميعها قلت: مؤنث

قال:ادم لا يعرف الأستقرار في حياته الا بحواء

ومن يجيب عن اسئلته الا حواء اتعلمين لما حواء خلقت من ادم وهو نأم؟؟!

لما لم يخلقها الله وهو مستيقظ؟!

يقال ان الرجل حين يتألم يكره بشده بعكس المرأه التى حيث تتألم تزود عطفا وحبا!!

خلقت منه نائما حتى لا يكرهها بينما هي تلد وهي مستيقظه

خلقت حواء من ضلع اعوج اتعلمين السبب ؟؟ذالك الضلع الذي يحمي القلب خلقت حواء لحمايه القلوب وان تكون اما حنونا,واختا رحيما,وبنتا عطوفه ,وزوجه وفيه لذا كانت مخلوقه من ضلع اعوج الذي يحمي القلب من اهون ضربه تسبب له نزيفا يؤدي الى الموت حتما

فلا تحزني ايتها الغاليه ولا تتضايقي من طبيعتك التى تحتاجها الدنيا كلها

نظر بعيني وقال:انت سر جمال هذا الكون

ادهشني حديثه وبقيت مذهوله والخجل يحاصرني واجبته يحق لك كل مايحق لي.

انتهت

شخبط شخابيط

ابداعات سعوديه فريده تحلى جدران قصر الفنون المصري شهدت القاهره مؤخرا ظاهره كبرى للفن التشكيلي السعودي حيث احتضن قصر الفنون بدار الاوبرا المصريه نحو ثلاث مائه لوحه ومجسم ل24 فنانا سعوديا في معرض حمل اسم ((ابداعات سعوديه معااصره ))بالتعاون مع قطاع الفنون التشكيليه في مصر .ابداعات لم اراها على جدران وطني الحبيب لم أرى ابداعات سعوديه معاصره انما رأيت((شخابيط بخاخيه ,ومقتطفات شعريه .وألقاب تفاخريه .عبارات تعبر عن حالات نفسيه )) فبما ان نحن شعب طمووح جدا فلم نكتفي بشخبطه على عمله نقديه فهذا لا يرضي طموح الشاب السعودي لأن طموحه اكبر من يضع مذكراته الأليمه على دراهم فبدأ بمراحل من شخبطه على ريال الى جدار مدرسه الى جدار فله سكنيه خاصه الى صخور وأثار سياحيه الى كباري وأنفاق الى جميع المرافق العامه الى ان وصل الاستهتار من الدرجه الاولى بوضع عبارات على جدران المسااجد منهم من خااف الله بذالك الجدار فكتب**لا اله الا الله** فاصل تحلطم>>يعطيك ألف عافيه بصراحه شي يبشر بالخير عربجي يذكر ربه مافيها شي (هذا اللى يميزنا عن غيرنا وقت الدين ما نلعب )*_^ ويبقى السؤال الى متى هذا الحال متى تنتهي لعبت القط والفأر ؟؟
ازالت العبارات ليست بالحل الامثل و الله لو ان الجدران تشتكي لاشتكت والعتب يقع على كاهل المسؤولين فنحتاج بالفعل الى موقف صارم
تجاه كل من يعتدي على الذوق العام لن تنفع فقط نشر توعيه في قناه او أزالت ماسبق تخريبه لا بل يجب وضع مخالفه ماليه ووضع كاميرات مراقبه بالأماكن الرئيسيه لوضع حد لكل من يتعمد تشويه وتخريب بتصرف طفولي
وانا من وجه نظري الفسيولوجيه <<كلام كبير بما ان الشخبطه تعتبر من المواهب فلابد من صقلهاوتطويرها بحيث ان يكون هناك جدران مخصصه +اعداد مسابقات سنويه +تدريس المواهب المميزه وقتها سوف ينخفض معدل هذه الكارثه ويخف الحمل عن تلك الجدران الصامده كلمه شكر =ودها تكفخهم الشهري +المعربي+ابو دحم سلمت يمناكم مدري ايش اقول بصراحه ابداع مازان جدرانا الا يوم حطيتوا لمساتكم السحرية هدوني عليهم خلوني اطيح فيهم عض اجل مستانسين بأساميكم يمال الرمد ما خليتوا ولا جدار الا ورازين اعماركم فيها غصب تصيرون مشهورين بس الشرهه موعليكم على نانسيوه من غنت ذا الأغنيه وحنا هاتك ياشخبطه <<وشدخل نانسي >>مدري من الحره
بالنهايه مااقول الا نسأل الله العافيه
انتهى

دموع اشتياقي

,,, يسألوني وراه خاطرك شين

ليه في نظره عيونك دموع دفينه

مادروا أن سبايب علتي صدك يازين

من يومها وانا اجر بداخلي مواويل حزينه

قالو ليه الفرح يقرب لمبسمك وانتي تبعدين

قلت وش فايده ضحكه وقلبي بفرقاه تصدع من ونينه,,,

أدمان

FACE BOOK_NOT LOG_MESSENGER_GAMEZER
تعددت المواقع والحال واحد وكثرت ضحايا عام 1999م وتأثير العولمه علينا وعلى الثقافه والاعلام والاصول الدينيه والاجتماعيه ومن اكبر المؤثرات INTERNET فهو واقع من ضرب جنون الخيال
منا من يستخدمه كالوسيله مساعده في تخصص ما او بحث مكنون الثقافاات ,وتحصيل معلومه فأصبح هوو
اللغه المعتمده ذا الاهميه والاولويه ومن لايعرف ان يتقن استخدامه فيعتبر جاهل وان فااحه شهادااته بالتفوق
ومنا من يعتبره وسيله تسليه واضاعه وقت الفراغ لمجرد الترفيه عن النفس الذي يصل حدود الأدمان
وبالتاالى يدخل من ضمن مجموعه سجناء المسنجر ,وراهائن الرومات,وعبيد الشاتات ,ومجانين نكات ,وعلماء في علم الاشارات والرموز. فبقدر المنفعه والاستفاده منه تساوي حجم المشاكل والأضرار الناتجه عنه وهذا يرجع الى الشخص او من الاسره المتابعه
على سبيل المثال GAMEZER موقع لأكثر من للعبه فيها (الشطرنج,الدامه ,البلياارد )هذه اللعبه تفاوتت اعمار المشتركين فيها
يتراوح اعمارهم مابين 7سنوات الى 40 تقريبا فأذا اتينا للحديث عن فئه الاطفال لابد ان تكون متابعه من قبل الاسره
لانمنع اطفالنا لكن نتبع معهم السبل والطرق مثاال (قطع شات المحادثه ,تحديد ساعات للعب,تواجد الطفل بمكان تواجد الاسره )
اما بنسبه للمراهقه فبنفس الطريقه ولكن المراقبه عن بعد اكثر واعطاء الثقه بقدر اكبر ليس كما الحال مع الاطفال حتى لا نواجهه مشكله مع هذه الفئه
هذه الألعاب هي الملتقى العام التي امتزجت بها الاعمار والجنسيات ومتزجت بها الشخصيات
هنا نجد من يرفع شعارات القناعه ,ومن يلبس رداء الدين ,ويمثل الطهاره,ويميل الى اقناع محادثيه باللين حتى يصطاد فريسته في
الماءالعكر وتصبح ضحيته رهينه ولعبه بين يديه وتحت تاثير ادمان رؤيه(النك نيم ,وسمااع احاديث كااذبه).
ومنهم من يحسب ان القوه في وضع الشتايم والكلام بذيىء في شات العام للروم
وكأنه ((بطل )) زمانه الذي لا يستطيع احد الرد عليه ويخرج بالألفاظ السيئه ومسيئه بأعراض الناس وكأنه يعتبر انها لعبه وهو
يعلم بأن على كتفيه ملائكه برره يكتبوون وحفظه يحفظون كل خطيئه ويحسبون كل مايلقيه من شتائم على المحصنات من امهاات ,واخوات
ويسىء بحديثه التافه عن جنسيه معينه او كانت من الجنسيات بالاجماع .(((ونقول خليجنا واحد_العرب اخوه))
في هذه اللعبه صعب تميز الحجر الكريم من كومه احجار-)اقصد القلوب التي تبلدت فيها المشاعر,والعقول الخاويه من التفكير
لكن هناك نسبه ضئيله من اصحاب العقول الراجحه التي نعدهم على الاصابع يخاافون الله ويتقونه حق تقاته فهم يتحدثون بكل احترام وتقدير وتجمع بينه وبين خصمه علاقه اخويه وصداقه جميله على كل خير فيبادر عن السؤال عن حاله واخباره دون غرض مبطن من خلف هذا السؤال فهي مجرد اسئله للطمئنينه عن اخ او اخت بالاسلام وعن احواالهم ويتبادلون الضحكات والاحاديث المسليه او مفيده في بعض الأحيان عن طلب مسااعده في شي ما يجهله الطرف الاول فما الافاده الاعن طريق الحصول على الاجابه او العكس.
**((تجربه شخصيه))** انا من الذين ادمنوا التواجد في هذه اللعبه حتى لو لم احصل على الوقت في اللعب اكتفي بفتح الصفحه
واضع حاله (المخفى) لمجرد رؤويه من فيه .وانا في هذه اللعبه اللتقيت بأخوه واخوات من اهل الطيب
تكونت مجموعه نجتمع بأوقات محدده اسبوعيا او يوميا وفي بعض الفترات تواجهنا مشااغل الحياه من اعمال _اختبارات فنبعد بالرغم من شغف التواجد .
**نصائح** القلب لحمه طريه ملئيه بكومه مشاعر فمن جاشت مشاعره بأعجاب بشخصيه ما او بتصرف او كلام رقيق طرق مسامعه
نصيحتي له بالابتعاد مخافه من رب خلق الانسان وعالم بما تخفيه الصدور.
***للفرحان**
انه يشبك من اتصال جيرانه اقوله ان جارك يستطيع بدخول الى جهازك وتمشي فيه ويلعب بلياردوا عفوااقصد يشوف محتوى ملفاتك وسرقتها ومسحها والتجسس على مسنجرك يعني يكون جهازك مثل اي جهاز قدام عينه
((هذا اللى اعرفه والعلم عند الله )) هذا ماخطه قلمي المتواضع
انتهى.

همسه

امتناعي عن الحديث ليس دليل عدم المقدره على الرد او جهل مني كيفيه المحادثه لا بل العكس صحيح

انا من تمتلك معجم العبارات اللاذعه ,وقواميس الالفاظ الجارحه ,لكن !!

لااستطيع اجبار نفسي على الحديث مع من لا يزن الكلمات ,ولا استطيع ارغامها على النقاش مع من يلون كلماته بالاصوات العاااليه

والصااخبه او من يكثر من الاشارات المتلاطشه

بعتقاده انه بهذه التصرفات **ياكل الجو**ويظهر وكانه كلامه صحيح وانه على حق يعني ((خذوهم بالصووت لا يغلبوكم))

هنا اقول لهذه الفئه التي لاتعرف اسلوب الحديث stop

امتناعي عن الحديث لايعني عدم مقدرتي على الرد .(من قول الشافعي رحمه الله *يخاطبني السفيه بكل قبح ..فأكره ان اكون له مجيبا يزيد سفاهه وازيد حلما.

همسه في اصوول الاتكيت عند ما يحادثك شخص )))اوووخص

1_النظر الى المتحدث اثناء (بربرته)مو تقعد تطالع يمين ويسار

2_عدم مقاطعته الى ان ينتهي من كلامه ((((ازرع بصل وقتها

3_متابعته المتحدث بأيماءات التواصل مثل (نعم) (معك)(اكمل )(صح)((((اذا كان صح فعلا مو تسليك

***الاتكيت =الذوق ***خلق اسلامي نبوي اصيل قبل اان تأتي اوربا وفرنسا تنادي به

فمن اراد اصوول الاتكيت وقواعده الصحيحه ينظر الى كتاب الله وسنه رسووله (اللهم صلي وسلم على سيدنا محمد)

انتهى

بشروه

بشروه اني ابرحل وبتركه وبحقق له مناته

وخليه ياوقت يعرف اني اليوم عايشه

وبكرا تحت التراب اصبح ذكرى بحياته

وبلغوه يقرب عند لحدي لا خلص صلاته

ويمسح على راسي بيده ويسامحني وينسى خطاي ويذكر وقتنا واجمل لحظاته

وخيروه عن مكان دفنتي ووصاتي قبري لا يهجره بروحاته وجياته

قولوا له خلاص راحت وكون اقوى من الزمن لا يطويك برحاته

امانه بلغوه لايحرم نفسه من اكله وشربه واسباته

وعلموه يصبر ويشد قوته

المؤمن وقت المصايب ينعرف بثباته

قولوا حبيبتك ماتت والموت ماهو بكيف العبد ولا هو برضاته

وذكروه ان يوفي بعهده ويسمي بأسمي بنت من بناته

وكلما نداها تجدد مع الاسم ذكرياته

خبروه لا يندم بعد موتي ولايندب حظه ولايسوي اسواته

ابيه يعرف اني مسامحته

وان ماالله كاتب قربه بالدنيا

تكفون ابي قربه لاحانت وفاته

انتهت

كيف انسى؟

(يادمام) بالله انك تعلمه وش كثر عندي غلاه

وابيك تخبره لايحسب في بعد المسافات راح انساه

ويلي وكيف انسى ؟

وانا وين مالتفت وامد بالنظر القاه

وكل شي من حولي صار له وخالد ومخلد لذكراه

وتطبعت بطباعه وصار هو انا وانا كلى اياه

وكل شي حفظته فيه سلامه وضحكته وحتى طريقه ممشاه

ياا(خبر) ابيك تذكره

بالشواطى وبحرك ورمله وحصاه

وابيه يذكر يوم نمشى بالشوارع وعلى صوت يارا تغني زي عسل على قلبي هواه

وعلموه ان كل شي باقي كما يحبه ويهوااه

*********************************************

**موكا كرميل **

**تشكين تاوه**

**تشيز كيك**

**بونشاك**

**سميراء ميس**

**بيتنا في مدينه الزهور ** هع

**مطعم روما**

**taman**

**رابح صقر (في منتهى الرقه)**

**جامعه الملك فيصل(4/7/1429)**

ومااالزلت اذكر واعيش عشان اتذكر

انتهى

احلامي

حبيبي بعد اذنك اريد ان اتكي برأسي على صدرك

حتى تسترق اذناي السمع لنبضاتك

وترانيم همسك وسنفونيه عشقي بداخلك

ومع استمرار تلك المعزوفه اغط في نوم عميق

واغرق في عالم احلامي

لان فقط في احلامي استطيع ان امارس معك ماحرم في شرعي

في احلامي فقط استطيع ان ارتكب جرما دون ان يعاقبني عليه القانون

في احلامي فقط اقترف الخطيئه دون ان يلحقني عارها

في احلامي فقط استطيع ان اصبح ما احب وكيف اعيش وكما يحلوا لي

هنا في هذا العالم

اعشق اشتمام انفاسك

والتنقل بين ذراعيك

هنا سوف اتعرى من كل شي لكي يكسوني حبك

وان تغرسني عشق واثمر لك محبه

هنا في هذا العالم اريد ان امارس معك شغب نفسي الأماره بالسوء

هنا لا لن اخجل كعادتي

ولن اتلعثم في لهجتي

ولن اتردد ان ابوح لك بما اخفيه بداخلي من احاديث الهوى

وانا في حضرتك لا املك الا ان ارتبك

وعندما تسلط نظراتك عينك الحارقه على جسدي الناعم

الا ان انتثر كما حبات السكر

اتعلم بما اشعر عندما تلامسني يدك الحانيه

ينصهر جسدي بروحي وتتحول برودته الى لهيب

ولكن امهلني لحظه

هذه مجرد احلام

وفي الواقع كم اضناه الارهاق جسدي

وبح صوتي وتقطعت احباله

وكم تراعشت اطرافي

وانا لم استطيع حتى في احلامي ان اعترف بحبي لك

انتهت

تجاهلتني

وش تبي اكثر من اللى عطيتك

دمعي حاير وسط عيني وانا اترجاك

وانا واقف على باب بيتك

وبكل برود اعصاب ترد على تقول غلطتي اني حبيتك

كذا تجازيني بس لاني اغليتك

ماقول الا منت بقد المحبه وانا حبيتك

ولاقد المعزه وانا عزيتك

ولا قد الغلا واغليتك

حسافه كل المشاعر اللى اهديتك

لاتقول اني ظلمتك

الدليل انك تجاهلتني يوم ناديتك

التسول وماذا بعد؟!

التسول منظر مزعج وظاهره في تنامي وتزايد وبشكل هائل فأعتدنا انا و انتم على ان نرى عند كل اشاره اما طفل ابن العاشره او مجموعه من النساء مابين 3-4 ولابد ان يكون معها طفل صغير السن لوزم كسرة الخاطر وكل واحده منهن لها مقر او اشاره خاصه لها ..
في نفسي اقول يالله اهي الحاجه واي حاجه التى تجعلها تمد يدها للبشر اهي مجبوره على التسوول ام هي مهنه يمارسونها للتحاايل علينا , اهن في الحقيقه نساء ام رجال متنكرين,اهن سعوديات او لا ، يحملن اقامه نظاميه اوهن حضرن على كفاله ازواجهن واجبرن على التسول وهن لاحول لهن ولاقوه .
ما اكثر اسألتي التي تخطر على بالي دون اجد لها اجابه شافيه وليس لدي خيار الاّ اما ان اعطيهم حاجتهم او اني امتنع عن الخير وهذا اذا كان ما افعله من مجال الخير ام انها تعتبر تشجييع على هذا البلا وكونهم نساء لانستطيع حتى التحدث معهم ونضطر نعطيهم دون ان نزعجهم بسؤال او كلمه لان الله سبحانه وتعالى امرنا في قوله تعالى (اما السائل فلا تنهر) يعني اما ان تعطيها حاجتها او تصرفها بمعروف وطبعا للتسول انواع واشكال منهم من يسأل عن حاجته امام مسجد ,او بقرب من اشاره المرور, وهناك من يتجوول بالمولات و المجمعات...
بالامس رحت لمجمع الشاطىء مول وجالسه اطلب من المطعم الا كان بجنبي حرمه معاقه على كرسي متحرك**يالله انك تعافينا **ومعها خدامتها المهم وقت ماكنت اطلب كان العامل اللى على الكاشير يناظر الحرمه بنظرات اشمأزاز مب عاجبه بعد ان عطاها وجبتها قالت له thank you ولا رد عليها الفلبيني شايمه نفسه ذا الافنس عاد انا فضوليه من الدرجه الاولى قلت خليني اساله ومره وحده اتفلسف فوق راسه بالانقلش مع اني مو حيل صحبه مع الاخ انقلش <<معرفه من بعيد لبعيد عاد انا قلت على الاقل هذا مايقدر يقول شي لاحست اللغه خخخ سألته :
? what is the problem? whay you are lik this to this woman
فجاوبني: this woman evry week come to told me give meI want anything!!
I think it's a Saudi woman
رديت no way!!!!!
ومشيت بعدها قلت في نفسي ليش مستحيل كل شي جايز بس وقتها انصدمت بس بعدها قلت ليه يكذبون عليها وهم اصلا مايعرفوها بس اللى طير عيوني ان معها خداميه اندونوسيه.
وقتها عرفت انه التسول له اشكال وانواع وله نااسه وعرفت انه شي مب بسهل ومهنه صعبه ولا الكل يتقن مهراتها ولا الكل يعرف كيف يستعطف قلوب الناس ويظهر بصوره الفقير لان هذه الصوره تحتاج لفنان بدمج المشاعر وخلط لون الصدق الوحيد (البياض) بالوان الكذب (القاتمة).

(اللهم عافنا وارزقنا ولا تجعلنا من اللى يحتاجون عباادك )

انتهى

نهايه قبل البدايه

تدري متى اقول انتهيت ؟

لامني بالغلا اغليتك وعن هواء نفسي صديت

تدري وشو هو الموت؟

يوم ادور صورتك وبين المخاليق غير سرابك مالقيت

تدري من هو المبخوت ؟

من يشوفك ويناديك وانت له لبيت

وتدري وش كثر ماتمنيت؟

وعدد مانطق الساني ياليت؟

ليتني ماجيت

وليتني وقتها معك ماحكيت

وليتني عن احدودي وقفت ولا تخطيت

ليتني كنت ميته ولا حييت

شفتني يوم عن دربك تنحيت

خفت من نفسي على نفسي وتهديت

زجرت النفس عن وسواسها وعيت

وقمت لخاالقي وركعتيني صليت

وبدموع عيني ذرفت وبالدعاء دعيت

يالله انك تسامحني لامني اخطيت

وتثبتني كلما بالقدم زليت

وتراى بالدعاء خصيتك ومانسيت

يالله تفرج على عبدك همه

وتشافي مرضاه

وترحم موتاه

وبجنه الخلد ملقاه

ايام طفولتنا

الله ياهمسي الدافىء والحنين

الله على ايام اول وذيك السنين

بالأمس اناوانت حالنا لعب وضحك ومزوح

تجلس بجنبي واجلس احذاك

كانت عزايمنا على حلوى (بفك) وبسكوت

وكنت اتحاايل اخذ كورتك وابادلك بعروستي

كنت انت تعد لين العشر

ولاتفتح عيونك الا بقولة كوك

وتجلس ادور لي الين تلقاني

الله على وقت كنت ابي اكبر بساع

والحين اقول ليت العمر وقف عند خمس ولازاد

ليتها ترجع ايام الشقاوه

ايام كانت اكبر احلامي فلت جدايل ولبست كعب

وكحل بالعين وروج سايل

امس لمحتك في مجلس رجال

صرخت بداخلي طفله تنادي يمك ولا انت بسامعها

صرختها صحت بداخلي سواليف تنخاك

في ليله فرقاك

**لا حنا مافترقنا**

كل الحكايه كبرنا

وماعاد حالنا لعب وضحك ومزووح

حتى نظرتي لك والسلام...

ونشدتي عن احوالك عيب وحرام

وانت صار حرفك عليك بين الرجال محسوب

كذا مقدر ومكتوب

مانعود اطفال

ولايعود حالنا كما هو لعب وضحك ومزوح

وكل الحكايه كبرنا

وماهي قضية..افترقنا

امطار الخيرعلى معشوقتي

في 16/ابريل /2010في الأسبوع الماضي تحديدا يوم الجمعه كنا طاالعين لظهران مول وكان الجوو خيالي يبيله كورنيش

بس اخترنا مجمع تحسبا لظروف الطقس وقت ما انتهينا وجينا نطلع من الموول وكان على الساعه 11,30زاد الجو وصار

بروق ورعود والرعد يزجر ويصاحبه مطر وهواء عالى صحيح الجو خيالي وروعه بس سبحان الله له رهبه بالقلب مايهديها الا الدعاء له

وطلب المغفره لأمته محمد ,وطبعا حزه نزوول المطر كارثه اللهم احفظنا يعتري الناس خوف على سياراتهم وانفسهم

وتطقهم الفهاوه ,ويصاحبها شلل في حركه السير ,والكل معصب ومتنرفز حتى سواقنا اخلاقه مقفله نقوله ودي بيت ماما نوره

نلاقيه مسفط عند باب البيت هههههههااي(يعني افهموها مو وقت اخواره وادوراه).

المهم اني فصلت وطلعت برا الموضوع اللى بقوله الموضوع هو ان المطر خير ونعمه من رب العباد بس لو كان عندنا تصريف زي البشر

عاد الله يرضى مطر عشر دقائق صارت عندنا على اثرها محيطات مو شواارع.

شكلنا ماعاد نروح للهاف مون ونجلس على البحر **غدى البحر عندنا وصار لكل بيت بحيره,**ولا الكباري والانفاق حدث ولاحرج

تقل سد مأرب ,مانقول الا الحمد لله جات على انقاذ 55 شخص احتجزتهم المياه وعدت على خير .

اللحين الكل منكم يتسائل وش لي انا بالمواضيع هذي انا اقولكم لان حنا يا معشر النساء اكثر الناس الذي ضاق بنا ذرعا من هذا الحال

لأن البنوته لا جات تطلب من اخوها او ابوها او ولي امرها تقوله طال عمرك ابي المشوار هذا يقول لها **انتوا ماتشوفون ماتحسون **

كل الشوارع تحويلات ومقفله ومطر ومياه اقصد محيطات فتضطر المغلوب على امرها على السكوت مع الرغم من الحاجه

لكن ما اقوول الا ان شاء الله خير بنصبر(ونعطى سداح فرصه)<< ونشووف وبكره دمدومه اكيد بتصير احلى واحلى .(يالبى معشوقتي )

انتهى

ماركه

من منا لايصاب بالخمول والملل من اسلوب حياته,من منا يستطيع مواصله حياته في عمل مستمر دائما

لا احد كلل شخص يجعل له فتره يلتقط انفاسه بها بعد ان تشغله الحياه بمشاغلها وانا شخصيا لي فتره

قرابة شهر اصبت بالخمول والملل حتى راودني شعور بأني لا استطيع فعل شي او اتقان عمل ما او حتى لم يعد لي الرغبه في الخروج

ولا الاجتماع مع العائله في جمعاتهم لنقوول اني اصبحت اميل للعزله لقرابه شهر .

لكن بعدها احسست بشغف السوأل عن حالهم اشتقت اليهم ولأخبارهم يعني(منذ مبطى عنهم وعن سوااليفهم)

كنت أتسااائل ياترى هم بعد مشتااقين لي وعن السوأل عن حالي ومعرفة اخباري

لكن !!!بدل لا اسمع ايش حالك ........كان ايش ضمان جوالك

!!!!! وبدل كم لنا ماشفناك ...........كان بكم اخذتي شنطتك

!!!!وبدل وينك وين دنيااك............كان وينك ماشفناك بعرس شريفه (والغرض من هذا السؤال معرفه اذا ماكنت معزومه او لا )

والذي كان امر من هذا يوم قالوا لي فلانه زعلانه وماتحكي مع بنت عمها

سألتهم ليش عسى ماشر عسى ما احد(ن) داخل بينهم ,قالوا لا تقول انه يوم كانت جمعته الحريم ما قالت لها شوفوا وين وصلناا؟!

>>>لحضه بتفاهم مع هذي <<<الحين مو تقولين انك بنت عمها يعني دفي الباب برجلك وادخلي وقولي انا جيت يا اهل البيت

انا بوجة نظري ماتسوي لكن عند غيري ,(فشله عيب عليها ما قدرتها ولا اعزمتها )لا صراحه مفروض ترسل لها بطاقه دعوه

انقلبت السالفه عرس<< وعاد اللى زاد الطين بله يومي جلست مع بنوتات بعمري وجلسنا نسوولف وقتها انا كنت مفهيه وهذا شي طبيعي

من اثار العزله اللى انا كنت فيها ,طبعا الى الان ما اعرفت البنات اللى اجلسوا معي منهم يمكن كان معي بالجامعه وانا مأذكرهم

لكن اللى اعرفه اني ماستفدت في جلستي معهم بشىء ههههه ماغير

ساعه >>>ماركه

شنطه>>>ماركه

تيشيرت >>>ماركه

خشم,عين ,رمش,..الخ >>>ماركه

وقتها تمنيت انا والمعازيم كنا لابسين اجلال صلاه وجااين يمكن وقتها كان ركزوا على*** الاخلاق الماركه***

يمكن انا ما اختلفهم عنهم بالكثير بس حالينا امر بمرحله قناعه وما اقول الا اللهم زدني قناعه

انتهى