امطار الخيرعلى معشوقتي

في 16/ابريل /2010في الأسبوع الماضي تحديدا يوم الجمعه كنا طاالعين لظهران مول وكان الجوو خيالي يبيله كورنيش

بس اخترنا مجمع تحسبا لظروف الطقس وقت ما انتهينا وجينا نطلع من الموول وكان على الساعه 11,30زاد الجو وصار

بروق ورعود والرعد يزجر ويصاحبه مطر وهواء عالى صحيح الجو خيالي وروعه بس سبحان الله له رهبه بالقلب مايهديها الا الدعاء له

وطلب المغفره لأمته محمد ,وطبعا حزه نزوول المطر كارثه اللهم احفظنا يعتري الناس خوف على سياراتهم وانفسهم

وتطقهم الفهاوه ,ويصاحبها شلل في حركه السير ,والكل معصب ومتنرفز حتى سواقنا اخلاقه مقفله نقوله ودي بيت ماما نوره

نلاقيه مسفط عند باب البيت هههههههااي(يعني افهموها مو وقت اخواره وادوراه).

المهم اني فصلت وطلعت برا الموضوع اللى بقوله الموضوع هو ان المطر خير ونعمه من رب العباد بس لو كان عندنا تصريف زي البشر

عاد الله يرضى مطر عشر دقائق صارت عندنا على اثرها محيطات مو شواارع.

شكلنا ماعاد نروح للهاف مون ونجلس على البحر **غدى البحر عندنا وصار لكل بيت بحيره,**ولا الكباري والانفاق حدث ولاحرج

تقل سد مأرب ,مانقول الا الحمد لله جات على انقاذ 55 شخص احتجزتهم المياه وعدت على خير .

اللحين الكل منكم يتسائل وش لي انا بالمواضيع هذي انا اقولكم لان حنا يا معشر النساء اكثر الناس الذي ضاق بنا ذرعا من هذا الحال

لأن البنوته لا جات تطلب من اخوها او ابوها او ولي امرها تقوله طال عمرك ابي المشوار هذا يقول لها **انتوا ماتشوفون ماتحسون **

كل الشوارع تحويلات ومقفله ومطر ومياه اقصد محيطات فتضطر المغلوب على امرها على السكوت مع الرغم من الحاجه

لكن ما اقوول الا ان شاء الله خير بنصبر(ونعطى سداح فرصه)<< ونشووف وبكره دمدومه اكيد بتصير احلى واحلى .(يالبى معشوقتي )

انتهى