فضفضه

اسمع =>اه ياقو قلبك ((تلقون الاغنيه بصفحه الاغاني
اكل =>ولا شي مالي نفس
اشرب=>ولا شي( مو كل عطش يرويه ماء )
الجو=>بارد من التكيف
المزاج كسل +ضيقه صدر
المسن =>ظهور دون اتصال
البيبي=>مشغول
الجوال =>صامت
تليفون =<ما ادري وش اخباره
تلفزيون =>معطيته ظهري
اليوم =>الاربعاء يوم من ايام الصيف الملل
من صحيت من النوم وانا متضاايقه وافكار الدينا كلها براسي حاولت انى ما افكر في يزيد ضيقتي قلت خليني ادور على حل يبعدني عن زحمه الافكار اللى تدور براسي اي حاجه تبعد عني الملل والروتين وقتها قعدت احاسب نفسي ..ليه انتي تملين من كل شي بسرعه الى متى راح تبقين كذا كنت بالجامعه صحيح جات علي ضروف وخلتني اتركها بس كان بامكاني اضغط على نفسي واكملها بس قلت ما اقدر تعبت
ونفسيتي ما عادت تتحمل هم الامتحاناات فحطت لين طلعت وماكملت اسبوع الا وتمللت وزهقت من الفراغ وماخليت شي ماسويته كتابه وكتبت وتصوير وصورت وسفر وسافرت ومليت من كل يوم الثاني رايحين نتسوق واشتريكل شي بحاجه ودون حاجه ..نومي ماله وقت محدد انام على راحتي واكل واسهر لحالي كاني بسم الله <<جنيه ماغير منتصه بغرفتي او بالصاله اولكم على الطالع والداخل تقلون توظفت بواب
**وبعد ما خلصت جلسه المحاسبه النفسيه قلت خليني افتح سجلي واشوف وش صار علشان ارجع اسجل جدولي فتحته وطلع اسمي
يعني خلاص اول اسبوع من الدراسه انزل المواد وابدا من جديد واسال الله يثبتني بعقلي الضارب وما ارجع على طير يالي
ورجعت لمحور حديثي مره ثانيه ادور على شي يسليني فتحت Googleادور لي مواضيع يمكن يساعدني اتخلص من الضيقه اللى كاتمه صدري وبصراحه كل المواضيع كانت مره حلوه ومفيده بس ماقدرت اكمل فقره وحده في قراءتها او بالأصح اقرأمن دون استيعاب خليت
Googleوفتحت YouTubeلان انا احب كل ما ضاق صدري اجي لهذا الموقع واقلب صفحاته واتسمع لي كم قصيده لشعراء احب قصيدهم
واخترت (محمد بن فطيس )صحيح ان قصيده يزود الحزن حزنين لكن كلماته تشعل النار وتطفيها بسرعه او يمكن لان قصايده تذكرني بما مضى ولم تمضي ذكراه..القصيده كانت
خبرتو حد(ن)يبكي على واحدن يبكيه ***وخبرتو واحد(ن)مسجون ما يبغى افراجه
احبه ولا مغضته على شي يسويه ***ولا زالت ارقاب الرجى فيه منعاده
عسى منزل ضمه حقوق الوسم تسقيه ***وتضحك له الدنيا وهو يضحك حجاجه
فقد خاطري شي من الضيقه مسليه*** وغدت روحي من الناس والليل وهجاجه
اروح لمكان خابره خابره ياتيه ***اسوق القدم سوق وهي مالها حاجه
مكان نزيه واول مواجهي له فيه*** لعل ماحدني للمجي يدعيه
اشوفه وانا ماودي اسبب له احراجه** يحب الجريح اخر دروب اللقى ويجيه
وتحب القدم جيت مكان اول مواجه** وتحب القدم جيت مكان اول مواجه
صح اللسانك ياابن افطييس وقتها توني مخلصه القصيده و صل لي برود كاست من صديقتي المشكله لا صرت انت بازمه يجيك (برود)
عن الحب والمحبه تحس انه يجيب لك حساسيه مزمنه قلت خلينا نشوف الكذبه الجديده وكان البرود كاست **
الحب كلمه لها حرفان (ح.ب)فالحاء يفتح الفم ويبقي مفتوح فارغا حتى ياتي الباء يضم ويطبق الشفاه اذا هناك اجتماع بعد فراق ووصل بعد هجر ((((مدري وش تبي اللى مرسلته
وقتها قلت ليتني ماقريت هذا الشي سبب لي كئابه زود اللى انا فيها
ثانيا: مو قالو ان الحب ماله حروف؟!وان هو اللغه الوحيده اللى مالها عبارات ولا قواعد اشوف طلع (ح.ب)
...بعدها قررت اقرأ كتاب اخترت كتاب (انتهت اللعبه )للكاتب تركي بن فائز الحقباني وللأسف ماقدرت اكمل منه الا كم صفحه
حاولت اتجااهل الافكار وزحمه الاشياء اللى تدور في بالي لان اليوم طوويل وملل **قمت تمددت على الكنب وغمضت عيني واخذت اردد لي دعااء واذكار الصباح والمساء .
همسه=>احساسي موكل البشر يفهمونه والله يسامح الجميع
لك =>انت مع الدنيا اثنين ضد واحد وانا كسير الحال الله يصبرني
القاها انا منين من قلبك الجاحد ولا من الايام اللى تعاندني
انتهيت من الهذره ويومي ما انتهى