الساعه11ايستعد الجميع وجهز حاجاته والكل مصحصح ونشيط ما عاد انا من عاداتي السهر المهم ركبنا السياره ولمن نركب السياره لازم نسمع عبارت كالآتيه (زحمه_مافيه مكان_انت مضايقني) مع العلم انه السياره يطرد بها الخيل((مضمار,,,وعبارات (مانسيتوا شي ترا محنا براجعين )هذي الجمله تحسسني اني ناسيه كل شي لحظه عم فيها الهدوء ارجاء السياره وانطلقنا والان المسافه مابين الدمام وقطر 400كيلو تقريبا يعني مايمدي اغفي الا كود وصلنا عاد صرفت النظر عن النوم ورحتاتأمل الطبيعه الخلابه وعشان تعيشون الجو راح اوصف لكم هي عباره عن رمل ×رمل وتزينها بعض الحشائش المحترقه سلفا من اشعه الشمس ,وكم راس ابل يرعون منها ومابين التأملات رحت اقرا اللوح او تعليمات الطريق واعجبني مسمى(خشم الزينه) وجات بعدها اللوح بقيق,هفوف,حضر,سلوي,البطحاء,بو سمره وعند سلوى نكون وصلنا لحدود السعوديه وتختيم الجوازات وقت تطبيق النساء । وعلى بعد ३ كيلوا متر وصلنا بو سمره وهي حدود دوله قطر طبعا مافيه اختلاف بين الجمركين الا انه في قطر مافيه تطبيق نساء!!! وصلنا الدوحه على الساعه 2وربع وطبعا فورا وصلونا كان البحث جاري عن مكان نرتاح فيه وننزل حاجاتنا فيه وبعد ماريحنا صارت الساعه5ونص وقت الغداء استعنى بالله ثم جهااز قارمن وماقصر والله عرض لنا قائمه المطاعم ومبين الرفض والقبول اخيرا(بربر) واكلنا وشبعنا ولله الحمد نعمه كريمه ,جاء دور الستي سنتر وعند البوابه جاء امر صادر بانه يمنع منع باتا من التسوق **قلت في نفسي هل من المعقوله ارجع وانا ماشتريت شي؟؟؟ وتجااهلت الامر الصادر بكل عنفوانيه وانتصرت والناصر الله(معركه )الساعه 9وربع وقت الفيلم اللى حجزناهوانا اللى اخترته وانا الوحيده اللى ماعجبني اسم الفيلم(من باريس مع حبي) (From Paris with Love) بطوله جون ترافولتا,جونشان راسي ميدز,كاسياسموتنياك ((طبعا الاسماء كلها براشيم من دليل السنما كان الفلم يحكي عن عاملين في مخابرات في السفاره الامريكيه في باريس ومكلفين في مطارت مجموعه من الارهابين تنوي القيام بعمل تخريبي في باريس<<عاد فيه مثل يقول (اللى فوق راسه بطحاء يتحسسها) وانا اقول الاسلام دين اسلام وبعد الفيلم رجعنا لادراجنا وكذا نكون انهينا اليوم الاول .
ليست هناك تعليقات:
إرسال تعليق